Musicalízate é a iniciativa que a Orquestra da Universidade de Santiago de Compostela promoveu durante o período de confinamento do ano 2020 pola pandemia do COVID-19, para que os amantes da música poidan coñecer a través dos integrantes da Orquestra conceptos básicos relacionados coa linguaxe musical.

A través da canle da OUSC en Youtube, fóronse compartindo vídeos nos que mozas e mozos da nosa orquestra abordan algún concepto musical como o que é unha escala, as claves musicais, cuestións históricas, etc. Estas son ilustradas a través dos seus instrumentos coa interpretación de pezas singulares; ademais, proponse un “Quiz” no que os espectadores destes vídeos poden animarse a intentar resolvelo. Aquí podedes ver e escoitar os vídeos na canle OUSC YouTube.